Search in:
Search in:

Myanmar Version

The Campus ရှိ ဝန်ထမ်းများအတွက် အရေးပေါ်တုံ့ပြန်မှု လမ်းညွန်ချက်များ

အရေးပေါ်အချက်ပေးသံ စမြည်ပါက-

  • အနီးဆုံးနှင့် အလုံခြုံဆုံးလှေကားမှ ထွက်ခွာပါ။
  • ဓါတ်လှေကားကို အသုံးမပြုပါနှင့်။
  • အရေးပေါ်လုပ်ဆောင်ချက်အတွင်း ဘေးကင်းစေမည့် အနီးစပ်ဆုံး စုရပ်ကိုရွေးပါ။
  • မိမိနှင့်သက်ဆိုင်ရာ မီးသတ်တာဝန်ခံ၊ တာဝန်ရှိသူ၏ ညွန်ကြားချက်များကို လိုက်နာပါ။

အောက်တွင်ဖော်ပြထားသည့်အတိုင်း အရေးပေါ်စုရပ် ၂နေရာရှိမည်ဖြစ်ပြီး ဝန်ထမ်းများအနေဖြင့် ‌ဘေးကင်းမှု အရှိဆုံးနှင့် အလုံခြုံဆုံးနေရာတွင် စုဝေးကြရန် အကြံပြုအပ်ပါသည်။

  • Assembly Point A – wing A & Wing B
  • Assembly Point B – Wing C

မီးလောင်မှုဖြစ်ပွားပါက -

  • အထိတ်တလန့်မဖြစ်ပါနှင့် ။
  • ဓါတ်လှေကားအသုံးမပြုပါနှင့်။. ထိုအချိန်တွင် ဓါတ်လှေကားများ လည်ပတ်မည်မဟုတ်ပါ။
  • မိမိနှင့် အနီးဆုံးရှိ အရေးပေါ်လှေကားမှ ထွက်ခွာပါ။
  • Exit ထွက်ပေါက်မှ လှေကား လက်တန်းကိုကိုင်၍ ဆင်းပါ။
  • သတ်မှတ်ထားသော စုရပ်သို့သွားပြီး သက်ဆိုင်ရာတာဝန်ရှိသူ (သို့) မီးသတ်တာဝန်ခံ၏ ညွှန်ကြားချက်များကို စောင့်ပါ။
  • သက်ဆိုင်ရာ တာဝန်ရှိသူ၏ ခွင့်ပြုချက်မရှိဘဲ အဆောက်အဦအတွင်းသို့ လုံးဝပြန်မဝင်ပါနှင့်။

မထွက်ခွာနိုင်လျှင် -

  • တံခါးများနှင့် လေဝင်ပေါက်များရှိ နေရာလွတ်အပေါက်များအားလုံးကို မျက်နှာသုတ်ပုဝါအစိုများ၊ အဝတ်စအစိုများဖြင့် ပိတ်စို့ပါ။
  • တံခါးများနှင့် နံရံများကို ရေခဲပုံး (သို့) ရေကိုအသုံးပြု၍ တံခါးများနှင့် နံရံများကို စိုစွတ်အောင်ပြုလုပ်ပါ။
  • အခန်းတ္ငင်းမီးခိုးငွေ့များ ရှိနေပါက စိုစွတ်သော မျက်နှာသုတ်ပုဝါတစ်ထည်ကို တြိဂံပုံစံခေါက်၍ နှာခေါင်းနှင့် ပါးစပ်တွင်ချည်ပြီး ခန္ဓာကိုယ်ကို အောက်တွင်ဝပ်ထားပါ။
  • သင့်အား ပြတင်းပေါက် (သို့) ဝရံတာများမှတဆင့် ကယ်ဆယ်ရေးသမားများမြင်နိုင်အောင်နေပါ၊ ခုန်မချပါနှင့် ။
  • အကူအညီမရောက်မချင်း တတ်နိုင်သလောက် မီးငြိမ်းသတ်ပါ ၊ အရှုံးမပေးပါနှင့် ။
  • ရုံးတွင်း အလွှာတိုင်းရှိ Wingတိုင်းတွင် မီးသတ်ပိုက်များ၊ မီးသတ်ဆေး‌ဗူးများ ထားရှိထားပါသည် ။

မီးသတ်လေ့ကျင့်မှု ပြုလုပ်ရမည့် အချိန်နှင့်ပတ်သက်၍ ဝန်ထမ်းများနှင့် နေထိုင်သူများကို ကြိုတင်အသိပေး အကြောင်းကြားမည်ဖြစ်ပါသည်။

အရေးပေါ်အချက်ပေးသံမြည်သည့်အခါ-

  • အနီးဆုံးထွက်ပေါက်ကို ချက်ချင်းသွားပါ။
  • ဓါတ်လှေကားအသုံးမပြုပါနှင့်။
  • အရေးပေါ်လုပ်ထုံးလုပ်နည်းတွင် ဖော်ပြထားသည့် အလုံခြုံဆုံး နှင့် အနီးဆုံး စုရပ်သို့ သွားပါ။
  • အ‌ရေးပေါ်တာဝန်ခံ (သို့) မီးသတ်ဌာနထံမှ ညွှန်ကြားချက်များကို လိုက်နာပါ။

စက်ချို့ယွင်းမှုကြောင့် ဓါတ်လှေကားရုတ်တရက် ရပ်တန့်သွားပါက ကျေးဇူးပြုပြီး ထိန့်လန့်မသွားပါနှင့်။ ဓါတ်လှေကား၏ အလိုအလျောက် ကယ်ဆယ်‌ရေးကိရိယာသည် ဓါတ်လှေကားကို အနီးဆုံးအထပ်သို့နိမ့်ချ၍ တံခါးဖွင့်ပေးလိမ့်မည်ဖြစ်သည်။ အရေးပေါ်မီးစက်သည် ၁၅ စက္ကန့်မှ ၃၀ စက္ကန့် အတွင်း ဓါတ်လှေကားသို့ ပါဝါစတင်ပေးမည်ဖြစ်သည်။

ဓါတ်လှေကားအတွင်း ပိတ်မိခဲ့လျှင် -

  • ဓါတ်လှေကားအတွင်းရှိ အချက်ပေးခလုတ် ကိုနှိပ်ပါ၊ intercom မှ တုံ့ပြန်မှုရလျှင် မိမိကြုံတွေ့ရသော ပြဿနာကို ပြောပြပါ။
  • တံခါးဖွင့်ရန် မကြိုးစားပါနှင့်။
  • လက်ရန်းကို ကိုင်ထားပြီး တံခါးပေါက်နားမှ ဖယ်နေပါ။
  • ဓါတ်လှေကား ပြုပြင်သူများမှ အနိမ့်ဆုံးအဆင့်သို့ရောက်အောင် လျော့ချပေးပြီး အပြင်မှနေ၍ တံခါးများကို ဖွင့်ပေးပါလိမ့်မည်။
  • လုံခြုံမှုရှိအောင် ကူညီဆောင်ရွက်ပေးမည့်အတွက် စိတ်အေးအေးထားပါ။

ပြင်းထန်သော မုန်တိုင်းအရေးပေါ်အခြေအနေအတွင်း-

  • သက်ဆိုင်ရာ အာဏာပိုင်များ၏ ကြေညာချက်များနှင့် အရေးပေါ်တာဝန်ခံများ၏ လမ်းညွှန်ချက်အခြေအနေများကို နားထောင်ပါ ။
  • သင့်အား ဘေးလွတ်ရာသို့ ပြောင်းရွေ့ရန် အကြံပြုထားခြင်းမရှိသေးပါက ပြတင်းပေါက်များနှင့် ဝေးဝေးတွင်နေထိုင်ပါ။
  • လျှပ်စစ်ပစ္စည်းများ၊ စက်ပစ္စည်းများကို ခလုတ်များကို ပိတ်ထားပြီး အသုံးပြုခြင်းမှ ရှောင်ကြဥ်ပါ။
  • မုန်တိုင်းတိုက်ခတ်နေစဥ် ကားမောင်းနေပါက သစ်ပင်များ၊ ဓါတ်အားလိုင်းများနှင့် ရေပိုက်လိုင်းများ ဝေးသော နေရာတွင် ကားကို ချက်ချင်းရပ်၍ ကားထဲမှာဘဲ နေပါ။

ငလျင်လှုပ်ခတ်မှု ဖြစ်လျင်

  • မြေပြင်ပေါ်သို့ ဝပ်ချပါ။
  • ခိုင်ခံ့သောစားပွဲအောက်တွင် ဝပ်ကာ တုန်ခါမှုရပ်သည့်အချိန်ထိ အကာအကွယ်ယူပါ။
  • အိမ်ထဲတွင်သာနေပါ၊ အဆောက်အဦပြင်ပသို့မထွက်ပါနှင့် ။ ဓါတ်လှေကားကိုအသုံးမပြုပါနှင့် ။
  • ပြတင်းပေါက်များ၊ ကြီးမားသော မှန်များရှိရာနေရာနှင့် ဝေးဝေးတွင်နေပါ။
  • နံရံမှတွဲလောင်းပြုတ်ကျနိုင်သော လေးလံသည့်အရာဝတ္ထုများအောက်တွင် မနေပါနှင့် ။
  • အထူးအကူအညီလိုအပ်နေသူများကို ဘေးကင်းသည့်နေရာရောက်အောင် ကူညီပေးပါ။
  • ဘီးတပ်ကုလားထိုင်အသုံးပြုသူများအနေနှင့် ဘီးကိုလော့ချထားသင့်သည်။

လုပ်ငန်းခွင်အတွင်း မတော်တဆမှု/ နာမကျန်းမှု ဖြစ်ရပ်များအားလုံးအတွက် အရေးပေါ်တာဝန်ခံ အဖွဲ့ဝင်များ (သို့) Front Desk Office ထံ ချက်ချင်းအကြောင်းကြား၍ အကူအညီရယူပါ။

  • ဝင်ခွင့်ကဒ်ပြားမပါဘဲ လုပ်ငန်းခွင်အဆောက်အဦတွင်းသို့ မည်သူတစ်ဦးတစ်ယောက်မျှ ဝင်ရောက်ခွင့်မပြုပါနှင့်၊ မိမိနောက်သို့ ပေးမလိုက်ပါနှင့်။
  • သံသယဖြစ်စရာ လှုပ်ရှားမှုများ၊ ပုဂ္ဂိုလ်များတွေ့ရှိပါက အရေးပေါ်တာဝန်ခံ အဖွဲ့ဝင်များ (သို့) Front Desk Office သို့ ချက်ချင်းသတင်းပို့ပါ။
  • သင့်ပတ်ဝန်းကျင်ကို အမြဲသတိနှင့် စောင့်ကြည့်ပါ။

Emergency Response Position Name Contact
Emergency Response Coordinator Nay Linn Htun
Min Naung Aye		 09 777 229 229
09 778 298 765
Security Control Room Duty Officer 01 368 77 66 (Ext: 8633)
Security Guard Post 1 Duty Security 01 368 88 66 (Ext: 8631)
Security Guard Post 2 Duty Security 01 368 77 66 (Ext: 8630)
Main Front Desk Duty Receptionists 01 368 77 66 (Ext: 8441, 8442)
Building Maintenance Office Maintenance Team
Maintenance Engineer		 01 368 77 66 (Ext: 9999)
09 777 257 888
Communication Team Leader Thiri Yee Mon 09 777 211 888
Facilities Team Leader Yin Mon Oo 09 450 005 735
Evacuation / Emergency Warden Leader Saw Nyi Nyi San 09 777 224 445
Traffic Control Team Leader Wai Phyo Maung 09 777 257 888
Headcount Team Leader Aye Thida Soe 09 777 223 883
Logistic Management Lwin Lwin Soe 09 785 421 002
First Aiders Leader Security Team 09 955 400 922

ရိုးမအုပ်စု၏ မူဝါဒ နှင့် လမ်းညွှန်ချက်များ 

Policy > ရိုးမအုပ်စု၏ မူဝါဒ နှင့် လမ်းညွှန်ချက်များ 
ဝန်ထမ်းလက်စွဲစာအုပ်
လူစွမ်းအားအရင်းအမြစ် နှင့် စည်းမျဉ်းစည်းကမ်းများ
လုပ်ငန်းဌာနရွှေ့ပြောင်းလုပ်ကိုင်ခြင်းများ
အလုပ်ချိန်၊ အချိန်ပို နှင့် အများပြည်သူရုံးပိတ်ရက်များ
ခွင့်ခံစားခွင့်
ဝန်ထမ်းအကျိုးခံစားခွင့်များ 
လစာ နှင့် လစာမူဝါဒများ 
လေ့လာသင်ယူမှုနှင့်တိုးတက်မှု
လုပ်ငန်းကျင့်ဝတ်များ
စည်းကမ်းရေးရာ အရေးယူမှု
အလုပ်ခန့်အပ်ခြင်းဆိုင်ရာမူဝါဒ
ခရီးသွားမူဝါဒ
သတင်းအချက်အလက်နည်းပညာမူဝါဒ
အတွင်းလူသတင်းပေးပို့ခြင်း
ခွဲခြားဆက်ဆံမှုမရှိသော မူဝါဒ

ကူးစက်ရောဂါအကြောင်း သိကောင်းစရာများ

ကိုရိုနာဗိုင်းရပ်စ်ပိုးက တိရစ္ဆာန်တွေမှာဖြစ်ပွားတတ်သည့် ပိုးတစ်မျိုးဖြစ်ပြီး ၎င်းထဲမှ အချို့ကတော့လူတွေမှာပါ ကူးစက်နိုင်ပါသည်။ လင်းနို့များက ဒီပိုးကိုအဓိကသယ်ဆောင်ပြီး အခြားသောတိရစ္ဆာန်မျိုးစိတ်များလည်း သယ်ဆောင်နိုင်ပါသည်။ ဥပမာအားဖြင့် အရှေ့အလယ်ပိုင်းအသက်ရှုလမ်းကြောင်းဆိုင်ရာရောဂါ (MERS-CoV) က ကုလားအုတ်များမှတစ်ဆင့် လူသို့ကူးဆက်ပြီး ဆားစ်ပြင်းထန်အဆုတ်ရောဂါ (SARS-CoV-2) သည် ကြောင်ကတိုးများမှတစ်ဆင့် လူသို့ကူးဆက်ပါသည်။

ဆားရောဂါ (SARS-CoV-2) နှင့်အလားသဏ္ဍန်တူညီသော နိုဗယ်ကိုရိုနာဗိုင်းရပ်စ်ကို ၂၀၁၉ ခုနှစ်တွင် တရုတ်နိုင်ငံအလယ်ပိုင်း ဝူဟန်မြို့မှာ ကနဦးစတင်ဖြစ်ပွားခဲ့ပါသည်။

ယခင်ဆားစ်ရောဂါသည် ၂၀၀၂ နှစ်ကုန်ပိုင်းတွင် တရုတ်ပြည်မှာစတင်ခဲ့ပြီး ၈ လအတွင်း နိုင်ငံပေါင်း ၃၃ နိုင်ငံမှာ လူပေါင်း ၈၀၀၀ ကျော်ကူးစက်ခံခဲ့ရပါသည်။ ဆားစ်ရောဂါကူးစက်ခံရသည့်လူနာများအနက် ၁၀ ဦးလျှင် ၁ ဦးနှုန်းသေဆုံးခဲ့ပါသည်။
ဇန်နဝါရီလ ၂၀၂၀ မှာ ပထမဦးဆုံး ဗိုင်းရပ်စ်ပိုးစတင်တွေ့ရှိချိန်မှ ယခု ၁၇ ရက်နေ့ စက်တင်ဘာလအထိ လူပေါင်း သန်း ၃၀ ကို ကိုရိုနာဗိုင်းရပ်စ်ကူးစက်ထားပြီး ဖြစ်ပါသည်။ ၎င်းထဲမှ လူဦးရေပေါင်း ၉၅၀,၀၀၀ သေဆုံးခဲ့ပြီဖြစ်ပြီး ၂၂ သန်းနီးပါးကတော့ ပျောက်ကင်းသွားပြီဖြစ်ပါသည်။

Covid-19 ရောဂါပိုးနှင့် ရိုးရိုးတုပ်ကွေးရောဂါပိုးတို့မှာ လူတစ်ဦးမှတစ်ဦးကူးစက်ခြင်း တူညီပြီး ရောဂါလက္ခဏာများပါ ဆင်တူသည်ဟုထင်ရသော်လည်း ပိုးနှစ်ခုဟာလုံးဝကွဲပြားခြားနားပြီး တစ်ခုနှင့်တစ်ခု လုပ်ဆောင်ချက်များမတူညီကြပါ။

ရိုးရိုးတုပ်ကွေး‌ရောဂါပိုးနှင့်မတူညီသည်မှာ Covid-19 ရောဂါအတွက် ကာကွယ်ဆေးနှင့် ကုသမှုများမရှိသေးပေ။ သာမန်တုပ်ကွေးရောဂါပိုးထက်လည်း ကူးစက်မှုနှုန်းပိုမိုမြန်ဆန်ပါသည်။ ဗိုင်းရပ်စ်ပိုးအသစ်ဖြစ်သည့်အလျှောက် ကိုယ်ခံစွမ်းအားမှာလည်း ဤပိုးကို တိုက်ထုတ်နိုင်စွမ်း မရှိသေးသည့်အတွက် လူတိုင်းအားကူးစက်နိုင်ခြေအလားအလာပိုမိုများပြားပါသည်။

ကနဦးမှာတော့ တိရိစ္ဆာန်များမှအချင်းချင်းကူးစက်ခဲ့သော်လည်း ယခုမှာတော့ လူလူချင်းကူးစက်နေပြီဖြစ်ပါသည်။
ဗိုင်းရပ်စ်ပိုး၏ရှင်သန်ပေါက်ပွားချိန်နှင့် ကူးစက်ချိန်ကို သတင်းရင်းမြစ် အတိအကျ မသိသေးရသော်လည်း ပျမ်းမျှအားဖြင့် ပိုးရှိသူတစ်ဦးမှ နောက်ထပ်နှစ်ဦး (သို့) သုံးဦးသို့ ကူးဆက်နိုင်သည်ဟု ခန့်မှန်းထားကြသည်။

ဗိုင်းရပ်စ်ကူးစက်ခံရပုံမှာ အသက်ရှူလမ်းကြောင်းဆိုင်ရာများဖြစ်တဲ့ နှာစေးခြင်း၊ ချောင်းဆိုးခြင်း၊ လူတစ်ဦးနှင့်တစ်ဦးနီးကပ်စွာ ပြောဆိုဆက်ဆံခြင်း (ဥပမာ - တစ်မီတာအောက်နီးကပ်နေခြင်း) များမှတစ်ဆင့် အများဆုံးကူးစက်နိုင်ပါသည်။
နှာချေချောင်းဆိုးခြင်းမှ ထွက်ရှိသည့် အမှုန်အမွှားများကို အနီးအနားရှိလူမှ ရှူသွင်းလိုက်လျှင်သော်လည်းကောင်း၊ လူအထိအတွေ့များသော အရာဝတ္ထုမျက်နှာပြင်ပေါ်သို့ ကျရောက်ပြီး တခြားသူမှထိတွေ့လိုက်လျှင် ၎င်းတို့၏နှာခေါင်း၊ ပါးစပ်၊ မျက်လုံးမှတစ်ဆင့် ကူးစက်နိုင်ပါသည်။

ဗိုင်းရပ်စ်ပိုးသည် copper, cardboard အစရှိသည့် အရာဝတ္ထုများအပေါ်တွင် အချိန်တော်တော်ကြာကြာရှိနေနိုင်ပြီး ပလတ်စတစ်နှင့် စတီးများပေါ်တွင် ရက်အတော်ကြာ တည်ရှိနိုင်ပါသည်။ သို့သော် ပိုးအရေအတွက်သည် အချိန်ကြာလာသည်နှင့်အမျှ လျှော့နည်းလာနိုင်ပြီး ပိုးကူးစက်စေနိုင်သည်အထိ လုံလောက်သည့်အရေအတွက်မရှိနေခြင်းလည်းဖြစ်နိုင်သည်။

ကိုရိုနာဗိုးရပ်စ်၏ရှင်သန်ပေါက်ပွားချိန်ကို မသိရသေးသော်လည်း ၁၀ ရက်မှ ၁၄ ရက်အတွင်း ဖြစ်နိုင်ကြောင်း ခန့်မှန်းထားကြသည်။ပိုးကူးစက်ရပြီးဆိုလျှင် ပထမဦးဆုံးရောဂါလက္ခဏာမှာ ချောင်းဆိုးလာခြင်းဖြစ်ပါသည်။ အချို့လေ့လာတွေ့ရှိချက်များအရ လက္ခဏာမပြမီ နှစ်ရက်အလိုကပင် ကူးစက်ထားပြီးသားလည်း ဖြစ်နိုင်သည်ဟု ဆိုကြသည်။ သို့သော် ကူးစက်ခံရသော်လည်းရောဂါလက္ခဏာမပြသည့်သူများအတွက်မူ ယခုချိန်ထိအဖြေရှာဆဲဖြစ်ပါသည်။

ရောဂါကူးစက်ချိန်ကတော့ ရောဂါလက္ခဏာမပြမှီ နှစ်ရက်တွင်စတင်နေနိုင်ပြီး တချို့တွင် ပိုးကူးစက်စဉ် တချိန်တည်း ရောဂါလက္ခဏာအနည်းငယ် (သို့) လုံးဝမပြသည်လည်း ဖြစ်နိုင်သည်။ ယခုလျှင် ကူးစက်ကာလကို ရောဂါမပြင်းထန်သည့်သူများအတွက် ၇ ရက် မှ ၁၂ ရက်ဟုသတ်မှတ်နိုင်ပြီး ပြင်းထန်သည့်သူများအတွက် ၂ ပတ်အထိကြာမြင့်နိုင်သည်။

EU, US, China နှင့် Australia နိုင်ငံများမှ ကနဦးရောဂါ အချက်အလက်များအရ ရောဂါကူးစက်ခံရသူ၏ ၁၀ - ၁၅ ရာခိုင်နှုန်းသည် လိုအပ်သောဆေးကုသမှုခံယူရပြီး ၂ - ၄ ရာခိုင်နှုန်းသည် ရောဂါပြင်းထန်ပါသည်။

ဆေးရုံတွင် အများဆုံးဆေးကုသမှုခံယူရသော အသက်အရွယ်အပိုင်းအခြားမှာ ၆၀ နှစ်နှင့်အထက်ဖြစ်ပြီး အခြားမှာ ရောဂါအခံရှိနေသူများဖြစ်သည်။ ၃၀ - ၅၀ နှစ် အသက်အပိုင်းအခြားသည်လည်း စနစ်တကျဆေးကုသမှုခံယူနိုင်ရချေ များသူများဖြစ်သည်။
၄၀ - ၆၀ ရာခိုင်နှုန်းသည် ရောဂါလက္ခဏာလုံးဝမပြသည့်သူများဖြစ်သည်။

သတင်းကောင်းအနေဖြင့် ရောဂါနှင့်ပတ်သက်သည့် အချက်အလက်များမှာ ယခင်ကထက် ပြည့်စုံလာပြီဖြစ်ပြီး ဆေးကုသရာတွင်များစွာ အထောက်အကူပြုလာသည့်အတွက် ယခုလက်ရှိ သေဆုံးမှုနှုန်းမှာ ရောဂါစတင်ဖြစ်ပွားသည့် ဇန်နဝါရီမှ ဧပြီလနှင့်နှိုင်းယှဉ်လျှင် လျှော့နည်းလာပြီဖြစ်သည်။

ရောဂါပိုးသည် မျက်လုံး၊ နှာခေါင်း နှင့် သို့မဟုတ် ပါးစပ်မှတစ်ဆင့် လူ၏ခန္ဓာကိုယ်ထဲသို့ ဝင်ရောက်ခြင်းဖြစ်သည့် အတွက် မသန့်ရှင်းသောလက်များနှင့် မျက်နှာကို ကိုင်တွယ်ခြင်းများအား ရှောင်ရှားရပါမည်။

လက်ကိုဆပ်ပြာ၊ ရေဖြင့် အနည်းဆုံး စက္ကန့် ၂၀ ခန့်ဆေးကြောခြင်း (သို့မဟုတ်) အယ်လ်ကိုဟောပါဝင်တဲ့ လက်သန့်ဆေးရည် (သို့) တစ်ရှူးတို့ဖြင့် မကြာခဏနှင့် သေသေချာချာဆေးကြောပေးရပါမည်။

သံသယရှိပိုးတွေ့လူနာ၏ ခန္ဓာကိုယ်မှထွက်ရှိသည့် အမှုန်အမွှားများမှတစ်ဆင့် ကူးစက်ခြင်းကို လျှော့နည်းစေရန် လူအချင်းချင်း အနည်းဆုံး တစ်မီတာ (သို့) တစ်မီတာပိုခွာ၍ နေရပါမည်။

  • ချောင်းဆိုး၊ နှာချေတဲ့အခါ ပါးစပ်နဲ့နှာခေါင်းကို တံတောင်ဆစ်ကွေးအတွင်းပိုင်း (သို့) တစ်ရှူးဖြင့်လုံ အောင်ဖုံးအုပ်ပြီး သုံးပြီးသားတစ်ရှူးကို လုံအောင်ပိတ်ထားတဲ့အမှိုက်ပုံးထဲသို့ စွန့်ပစ်ပါ။
  • လက်ကိုဆပ်ပြာ၊ ရေဖြင့် အနည်းဆုံး စက္ကန့် ၂၀ ခန့်ဆေးကြောပါ။
  • အမှုန်အမွှားများမှတစ်ဆင့် ကူးစက်ခြင်းလျှော့နည်းစေရန် အနည်းဆုံး တစ်မီတာ (သို့) တစ်မီတာပို၍ ‌‌‌ကွာ‌‌ဝေးတဲ့နေရာမှာနေပါ။

အချင်းချင်းခပ်ခွာခွာနေထိုင်ခြင်း (Physical Distancing) ဆိုသည်မှာ ကူးစက်သံသယရှိလူနာများနှင့် မကူးစက်သေးသူများကြား (သို့) ကူးစက်နိုင်ခြေမြင့်မားနေသောသူများနှင့် ကူးစက်နိုင်ခြေ မရှိသောသူများကြား ထိတွေ့မှုလျော့နည်းသွားစေရန်ဖြစ်ပါသည်။
ဤသို့နေထိုင်ခြင်း၏ ရည်ရွယ်ချက်မှာ Covid-19 ရောဂါကူးစက်ပြန့်နှံ့မှုကို လျှော့ချစေရန်ဖြစ်ပါသည်။

မှတ်ချက်အနေနဲ့ Physical Distancing သည် ယခုလက်ရှိကျယ်ကျယ်ပြန့်ပြန့်အသုံးပြုနေသည့် Social Distancing ‌‌ဝေါဟာရနှင့် တူညီပြီး Physical Distancing ‌‌ဝေါဟာရအသုံးပြုမှုမှာ လက်ရှိတွင် လုပ်ဆောင်လိုသည့် လူအချင်းချင်းခပ်ခွာခွာနေထိုင်စေခြင်းနှင့် ပိုမိုကိုက်ညီပါသည်။

Physical Distancing လမ်းညွှန်ချက်များအတိုင်း အနာဂတ်တွင်လည်း ဆက်လက်လုပ်ဆောင်ရမည်ဖြစ်ပြီး လမ်းညွှန်ချက်အောင်မြင်မှုမှာ သူငယ်ချင်းများ၊ မိသားစုဝင်များ၊ ချစ်သူခင်သူများကြား ခပ်ခွာခွာ နေထိုင်နိုင်မှုအပေါ် တွင်လည်း မူတည်နေပါသည်။

အင်တာနက်နှင့် ဖုန်းဆက်သွယ်မှုများမှာ Physical Distancing လမ်းညွှန်ချက်အောင်မြင်မှုအတွက် ပိုမိုအရေးပါအရာရောက်လာပါသည်။

လူတစ်ဦးချင်းအနေဖြင့် ကိုယ်တိုင်တွင် ရောဂါပိုးရှိလျှင်သော်လည်းကောင်း၊ ရောဂါပိုးရှိသည်ဟု သံသယရှိလျှင် သော်လည်းကောင်း၊ ပိုးကူးနိုင်မှုမြင့်မားသူများတွင် ပါဝင်လျှင်သော်လည်းကောင်း (ဥပမာ - အသက်အရွယ် အရ ၇၀ ကျော်နေလျှင်၊ အခြားသောပြင်းထန် ရောဂါများရှိထားလျှင်) Physical Distancing ကို လုပ်ဆောင်နိုင် ပါသည်။

မြန်မာနိုင်ငံအပါအဝင် အခြားသောနိုင်ငံတော်တော်များများတွင်လည်း Physical Distancing လမ်းညွှန်ချက်များ ထုတ်ပြန်ထားပြီး Covid-19 ရောဂါကူးစက်ပြန့်နှံ့မှုကို လျှော့ချနေပါသည်။
အဆိုပါထုတ်ပြန်ချက်များမှာ -

  • လုပ်ငန်းများနှင့် ပညာရေးသင်တန်းများ လုံးဝ (သို့) တစ်ဝက် ပိတ်ထားခြင်း
  • အလုံပိတ်နေရာတွင်နေထိုင်ရသောသူများဖြစ်သည့် ကုသရေးဌာနများ၊ အကျဉ်းထောင်များသို့ လာရောက်သူ ဧည့်သည်များကို ကန့်သတ်လျှော့ချထားခြင်း
  • လူများစု‌ဝေးခြင်း၊ လူနည်းစုတွေ့ဆုံခြင်းများအား ကန့်သတ်၊ တားမြစ်ခြင်း နှင့်ဖျက်သိမ်းခြင်း
  • အဆောက်အဦးများနှင့် ရပ်ကွက်များတွင် မဖြစ်မနေ quarantine ပြုလုပ်ခြင်း
  • နယ်စပ်ဧရိယာများကို ချိတ်ပိတ်ထားခြင်း
  • နိုင်ငံအလိုက်၊ ပြည်နယ်အလိုက်၊ မြို့နယ်အလိုက် နေအိမ်တွင်နေထိုင်ရေး အစီအစဉ်များ စီစဉ်ထားရှိခြင်း
  • လုပ်ငန်းဌာနများတွင် ဝန်ထမ်းများအား တစ်ဝက်လျှော့ချ၍ ရုံးတက်စေခြင်း

MOHS နှင့် မြို့နယ်အလိုက်၊ ပြည်နယ်အလိုက်၊ နိုင်ငံအလိုက်ချမှတ်ထားသော ကျန်းမာရေး လမ်းညွှန်ချက်များအတိုင်း လိုက်နာရန်နှင့် ပန်းလှိုင်ဆေးရုံ၏ Telehealth ဖုန်းနံပါတ်ကို ခေါ်ဆို၍ အကြံဉာဏ်တောင်းခံရန်

နှာခေါင်းစည်းများကို စနစ်တကျတပ်ဆင်အသုံးပြုမည်ဆိုပါက ရောဂါပိုးကူးဆက်မှုအန္တရာယ်ကို ကာကွယ်နိုင်ပါသည်။

မိမိမှာရောဂါလက္ခဏာတွေရှိနေလျှင် တခြားသူတွေကိုကာကွယ်နိုင်ရန် ခွဲစိတ်ခန်းသုံးနှာခေါင်းစည်းများ (Surgical Mask) ကို တပ်ဆင်နိုင်ပါသည်။

နှာခေါင်းစည်းများအား စနစ်တကျမတပ်ဆင်ပါက လက်၊ နှာခေါင်းနှင့် မျက်လုံးများကိုထိတွေ့မှု ပိုများလာနိုင်သည့်အတွက် ရောဂါကူးစက်မှုကိုမတားဆီးနိုင်ပါ။

ယခုလက်ရှိတွင် လူများတွင်ဖြစ်ပွားသည့် Coronavirus နှင့် Covid -19 ကိုဖြစ်ပွားစေသည့် Coronavirus မျိုးနွယ်စုအားလုံးအတွက် ကာကွယ်ဆေးမရှိသေးပါ။

ထိုကြောင့် ရောဂါကူးစက်မှုကို ကြိုတင်တားဆီးပြီး ပိုးပြန့်နှံ့မှုကိုတားဆီးရန် လုပ်ဆောင်ရပါမည်။
ကာကွယ်ဆေးထုတ်လုပ်ရန်မှာ အချိန်ကြာမြင့်နိုင်ပြီး ဆေးဝါးကုမ္ပဏီများနှင့် ဓာတ်ခွဲခန်းများမှာ ဆေးထုတ်နိုင်ရန် အပြင်းအထန်ကြိုးစားနေကြပါသည်။

ကုသဆေး သေချာစွာအသုံးပြုနိုင်ရန်မှာ များစွာသောစမ်းသပ်ချက်များ ပြုလုပ်ရမည်ဖြစ်သည့်အတွက် နောက်ထပ်လများစွာ၊ နှစ်များစွာကြာနိုင်ပါသည်။

သို့သော်ကမ္ဘာ့ထိပ်သီးခေါင်းဆောင်ကြီးများ၏ ပြောကြားချက်များအရ ဆေးကို ၂၀၂၀ နှစ်ကုန်ပိုင်းတွင် စတင်အသုံးပြုနိုင်မည်ဟု ခန့်မှန်းထားသော်လည်း လက်တွေ့တွင် ၂၀၂၁ နှစ်လည်ပိုင်းလောက်မှာသာ အသုံးပြုနိုင်လောက်မည်ဖြစ်ပါသည်။

ရိုးရိုးတုပ်ကွေးရောဂါနှင့် Covid -19 ရောဂါသည် လုံးဝမတူသော virus နှစ်မျိုးဖြစ်သည့်အတွက် ရိုးရိုးတုပ်ကွေးရောဂါအား ကုသသည့်ဆေးရှိရုံဖြင့် Covid -19 အားမကာကွယ်နိုင်ပါ။

အရေးကြီးဆုံးမှာတော့ လူတစ်ဦးတစ်ယောက်ချင်းစီရဲ့ အသိစိတ်နဲ့ တာဝန်ယူမှုပေါ်မူတည်ပြီး တစ်ကိုယ်ရေသန့်ရှင်းရေးနှင့် ကျန်းမာရေးကာကွယ်မှုလုပ်နိုင်မှသာ ဒီရောဂါကို ကာကွယ်နိုင်မှာ ဖြစ်ပါသည်။

ဟန်ချက်ညီညီရှင်သန်ရေး (တစ်‌ယောက်ချင်းစီသာမကပဲ လူ့အဖွဲ့အစည်း၊ နိုင်ငံတစ်နိုင်ငံရှင်သန်ရေး) ၊ အသက်မွေးဝမ်းကျောင်း တာဝန်များအားကာကွယ်ရေး (လူ့ပတ်ဝန်းကျင်အတွင်း အနာဂတ်တွင် ကျရောက်လာနိုင်သော လူမှုပြဿနာ၊ ရောဂါဘယများမှ ဖြစ်ပေါ်လာနိုင်သည့် အခက်အခဲများကို အတူတကွ ကာကွယ်ဖြေရှင်းနိုင်ရေး)၊ ကျွန်ုပ်တို့၏ ရည်မှန်းချက်များအား ပြီးမြောက်စေရေး (အလုပ်အကိုင်၊ လူ့အဖွဲ့အစည်း နှင့်နိုင်ငံဖွံ့ဖြိုးတိုးတက်ရေးအတွက် အဖက်ဖက်မှဖြည့်စည်းပေးပြီး ဆက်လက်ကြိုးစားနေထိုင်ရေး) တို့သည် အခုလက်ရှိတွင် အလိုအပ်ဆုံးပင်ဖြစ်ပါသည်။

ကျွန်ုပ်တို့အားလုံး အတူတကွ စည်းစည်းလုံးလုံးဖြင့် ကျော်ဖြတ်ပြီး ‌ရှေ့ဆက်ကျော်လွှားကြပါစို့။

CCC မူဝါဒများ

  • နေအိမ်တွင်သာနေပြီး အလုပ်သို့ လုံးဝမလာပါနဲ့။
  • askHR@yoma.com.mm နှင့် မိမိ၏ မန်နေဂျာထံ ချက်ချင်းအကြောင်းကြားပါ။
  • AskHR မှ အခြေအနေပေါ်မူတည်၍ ထိတွေ့မှုများကို စစ်ဆေးသွားမှာဖြစ်သည့်အတွက် ပူးပေါင်းလုပ်ဆောင်ပေးကြရန်။
  • စုံစမ်းစစ်ဆေးမှုအပေါ်မူတည်၍ CCC မှ လုပ်ဆောင်ရန်လိုအပ်သည့်အရာများကို ညွှန်ကြားပေးသွားပါမည်။

  • နေအိမ်တွင်သာနေပြီး အလုပ်သို့ လုံးဝမလာပါနဲ့။
  • မိမိတွင် မိသားစု ဆရာဝန်ရှိနေသော်လည်း ပန်းလှိုင်ဆေးရုံ၏ TeleHealth ဖြစ်သည့် ၀၉ ၈၈ ၇၇ ၀၀ ၉၂၆ ထံ (နံနက် ၈ နာရီမှ ညနေ ၈ နာရီအတွင်း) ဆက်သွယ်တိုင်ပင်ပါ။
  • ပန်းလှိုင်ဆေးရုံရှိ TeleHealth ၏ ကျန်းမာရေး ခွင့်ပြုချက်ရမှသာ အလုပ်ပြန်တက်ရန်။

  • မိမိ၏ ဝန်ထမ်းကို နေအိမ်၌သာနေစေပြီး TeleHealth ထံဆက်သွယ်ရန် အကြံပြုပါ။
  • မိမိ၏ ဝန်ထမ်းကို မကြာခဏဆက်သွယ်ပြီး အခြေအနေမေးမြန်းပါ။ ကိုယ်ပူပါက နေ့စဉ် မနက်နှင့် နေ့ခင်းချိန်တွင် ကိုယ်ပူချိန်ကို မှတ်တမ်းထားခိုင်းပါ။
  • မိမိ၏ ဝန်ထမ်းအား TeleHealth မှ ပေးအပ်သည့် ကျန်းမာရေးထောက်ခံစာ မရရှိသေးဘဲ အလုပ်ခွင်သို့ လာရောက်ခြင်း မပြုပါနဲ့။
  • ကျန်းမာရေးထောက်ခံချက်ကို ဖုန်းမှတစ်ဆင့်လည်း ပြုလုပ်နိုင်ပါသည်။

အကယ်၍ သင်သည် Covid-19 လက္ခဏာများကို ခံစားရသဖြင့် အလုပ်မှ နားထားပါက အလုပ်ပြန်တက်ရန် ကျန်းမာရေးထောက်ခံချက်ကို လိုအပ်ပါသည်။ အဆိုပါ ထောက်ခံချက်သည် ပန်းလှိုင်စီလုံဆေးရုံရှိ TeleHealth မှသာ ဖြစ်ရပါမည်။ ထောက်ခံချက် မရရှိိသေးဘဲ အလုပ်ခွင်သို့ပြန်လာခြင်းကို မန်နေဂျာမှာ လုံးဝခွင့်မပြုရပါ။

ရိုးမအုပ်စုတွင် အလုပ်လုပ်သည့် ဝန်ထမ်းများအတွက် ပန်းလှိုင်ဆေးရုံရှိ မြန်မာနိုင်ငံ၏ အကောင်းဆုံးဆရာဝန်များနှင့် အခမဲ့ တိုင်ပင်ဆွေးနွေးခွင့်များ ရရှိမှာ ဖြစ်ပါသည်။ TeleHealth ကိုအသုံးပြု၍ ဖုန်း (သို့) Viber မှတစ်ဆင့် ဆရာဝန်များနှင့် တိုင်ပင်ဆွေးနွေးနိုင်မှာဖြစ်ပါသည်။

TeleHealth ၏ ဖုန်းနံပါတ်မှာ - ၀၉ ၈၈၇၇၀ ၀၉၂၆

အဆင့် ၁ - TeleHealth နံပါတ်ဖြစ်သည့် ၀၉ ၈၈၇၇၀ ၀၉၂၆ သို့ ဖုန်းခေါ်ဆိုပါ။
အဆင့် ၂ - ရိုးမဝန်ထမ်းဖြစ်ကြောင်း ဝန်ထမ်းကဒ် (Yoma Connect ရှိ ပရိုဖိုင်စာမျက်နှာ) ကို ဆေးရုံးအား ပြသပါ။
အဆင့် ၃ - မိမိရက်ချိန်းရသည့် အချိန်တွင် ဆရာဝန်မှ ဖုန်း (သို့) Viber မှ ခေါ်ဆိုပါမည်။
အဆင့် ၄ - ဆေးသောက်ရန်လိုအပ်ပါက ဆေးရုံမှ နေအိမ်သို့ သောက်ဆေး ပို့ဆောင်ပေးပါမည်။
*ကုန်ကျစရိတ်ကို Yoma Health Plan မှ ကုန်ကျပေးသွားမှာဖြစ်ပါသည်။

အကယ်၍ သင်သည် ဓာတ်ခွဲစမ်းသပ်ခံရပါက မိမိ၏ မန်နေဂျာကို ချက်ချင်းအသိပေးပြီး Martin Appel (၀၉ ၇၇၇ ၄၃၆ ၉၉၇) သို့ Valentina Lwin Bailey (၀၉ ၇၇၇ ၂၂၅ ၃၃၃) နှင့် askHR@yoma.com.mm ထံ အမြန်ဆုံး အကြောင်းကြားရပါမည်။

ရောဂါပိုးရှိသူသည် ဝန်ထမ်း (သို့) ကာစတန်မာဖြစ်နိုင်ပါသည်။ မည်သည့် လုပ်ငန်းဌာနခွဲတွင်မဆို Covid-19 ရောဂါပိုးရှိသူ ပေါ်လာပါက အောက်ပါလုပ်ငန်းစဉ်များကို လုပ်ဆောင်သွားပါမည်။

၁။ Martin Appel (၀၉ ၇၇၇ ၄၃၆ ၉၉၇) သို့ Valentina Lwin Bailey (၀၉ ၇၇၇ ၂၂၅ ၃၃၃) နှင့် askHR@yoma.com.mm ထံ အကြောင်းကြားရပါမည်။

၂။ ထိတွေ့မှုစုံစမ်းစစ်ဆေးသည့်အဖွဲ့မှ အဆင့် ၂ ထိတွေ့ထားသူများကို ရွေးချယ် အကြောင်းကြားသွားပါမည်။

၃။ အဆင့် ၂ ထိတွေ့သူများသည် တစ်ဦးတည်း သီးသန့်နေ၍ ရောဂါလက္ခဏာကို ၂၁ ရက်တိတိ စောင့်ကြည့်ရပါမည်။

၄။ အဆင့် ၃ ထိတွေ့သူများသည် တစ်ဦးတည်း သီးသန့်နေ၍ ရောဂါလက္ခဏာကို ၇ ရက်တိတိ စောင့်ကြည့်ရပါမည်။

၅။ လုပ်ငန်းခွင်အား ချက်ချင်းချိတ်ပိတ်ပြီး ပိုးသတ်သန့်ရှင်းရေးများကို ပြုလုပ်ပါမည်။

၆။ အစိုးရရှိ သက်ဆိုင်ရာ တာဝန်ရှိသူများ၏ လမ်းညွှန်ချက်အတိုင်း လိုက်နာ၍ ရုံးပိတ်ထားမှု အချိန်ကာလကို ဆုံးဖြတ်သွားပါမည်။

တစ်ဦးတည်း သီးသန့်နေရချိန်ကို နေအိမ်မှနေ၍ အလုပ်လုပ်ခြင်း (သို့) လစာပေးခွင့်အဖြစ် သတ်မှတ်သွားပါမည်။

ထိတွေ့မှုစုံစမ်းစစ်ဆေးခြင်းဖြင့် ရောဂါပိုးရှိသူနှင့် ထိတွေ့မှုကို အဆင့်လိုက် သတ်မှတ်ပေးနိုင်ပါသည်။
CCC မှ ထိတွေ့မှု စုံစမ်းစစ်ဆေးခြင်းအတွက် လေ့ကျင့်သင်ကြားပေးထားသူများဖြင့် ဖွဲ့စည်းထားသော အဖွဲ့တစ်ဖွဲ့ကို ထားရှိထားပါသည်။ ထိုအဖွဲ့မှ ရောဂါရှိသူနှင့် တိုက်ရိုက်ထိတွေ့မှုများနှင့် ထိတွေ့ထားသည့် ဝန်ထမ်းများကို ရှာဖွေဖော်ထုတ်သွားမှာဖြစ်ပါသည်။
အဆင့် ၄ ဆင့် သတ်မှတ်ထားပါသည်။

နမူနာ -
အဆင့် ၁ - အစိုးရမှ သတ်မှတ်ထားသည့်အတိုင်း မဖြစ်မနေ သီးသန့်နေထိုင်ခြင်း
အဆင့် ၂ - နေအိမ်တွင် သီးသန့်နေထိုင်၍ ရောဂါလက္ခဏာကို ၂၁ ရက်တိတိ စောင့်ကြည့်ရန်။
အဆင့် ၃ - နေအိမ်တွင် သီးသန့်နေထိုင်၍ ရောဂါလက္ခဏာကို ၇ ရက်တိတိစောင့်ကြည့်ရန်။
အဆင့် ၄ - ထိတွေ့မှု စစ်ဆေးရေးအဖွဲ့မှ သီသန့်နေထိုင်ရန် လိုအပ်မှုရှိ၊ မရှိကို အကြံပြုပေးရန်။

တစ်ဦးတည်း သီးသန့်နေထိုင်ခြင်းသည် လူ့အဖွဲ့အစည်းတွင်း ကူးစက်မှုဖြစ်ခြင်းကို ကာကွယ်ပေးနိုင်သည့် အကောင်းဆုံးနည်းလမ်းဖြစ်ပါသည်။

တစ်ဦးတည်း သီးသန့်နေထိုင်ခြင်းသည် မိမိနေအိမ်တွင် သတ်မှတ်ထားသည့် အချိန်ကာလတစ်ခုအကြာ အပြင်သို့လုံးဝ မထွက်ဘဲ နေထိုင်ခြင်းဖြစ်ပါသည်။

သီးသန့်နေထိုင်ရာတွင် အောက်ပါအချက်များကို လိုက်နာရန်လိုအပ်ပါသည်။

၁။ မိမိနေအိမ်သားများလည်း မိမိနှင့်အတူ နေအိမ်တွင်သာ သီးသန့်နေထိုင်ရန်။
၂။ ရောဂါကူးစက်လွယ်သူများ (မိဘနှင့် အဖိုးအဖွား) များကို သီးသန့်အခန်းတွင် နေထိုင်စေရန်။
၃။ လက်ကို မကြာခဏဆေးကြော၍ ရေမလိုလက်သန့်ဆေးရည်ကို အလွယ်တကူ ယူသုံးနိုင်သည့် နေရာများတွင် ထားရှိရန် (ထမင်းစားခန်း၊ ဧည့်ခန်း၊ တီဗီကြည့်ခန်း)
၄။ နေအိမ်အတွင်း အများသုံးနေရာများတွင် နှာခေါင်းစည်းတပ်ဆင်ထားရန်။
၅။ နေအိမ်၏ အများသုံးနေရာများတွင် အချင်းချင်း ၆ ပေခွာ၍ နေထိုင်ရန်။
၆။ နေ့စဉ် မနက်တိုင်းနှင့် ညနေတိုင်းတွင် ကိုယ်ပူချိန်တိုင်း၍ မှတ်တမ်းထားရန်။
၇။ ကိုယ်ပူခြင်း၊ ချောင်းဆိုးခြင်း၊ ဝမ်းလျှောခြင်း၊ အသက်ရှုရကျပ်ခြင်း အစရှိသည့် ရောဂါလက္ခဏာများကို စောင့်ကြည့်ရန်။
၈။ ရေများများသောက်၍ အဟာရပြည့်ဝစွာ စားသုံးရန်။
၉။ မိသားစုဝင်များနှင့် အစားအစာများကို မျှဝေပေးခြင်း၊ ဇွန်းခွက်ယောက်တို့အား အတူအသုံးပြုခြင်းတို့ကို မပြုလုပ်ရန်။
၁၀။ ဆေးကုသမှု ခံယူရန်လိုအပ်သည့် ရောဂါလက္ခဏာများကို မိသားစုဝင်တစ်ဦးဦးမှ ခံစားရပါက ဆေးရုံသို့သွားရန်။
၁၁။ မိမိအိမ်တွင် ဧည့်သည်လက်မခံရန်။
၁၂။ အစားအသောက်များကို သူငယ်ချင်း ၊ မိသားစုဝင်များမှ မိမိအိမ်သို့ လာရောက်ပို့ဆောင်စေရန်နှင့် အိမ်ထဲသို့ လုံးဝပေးမဝင်ရန်။
၁၃။ မိမိအား အစားအသောက်နှင့် လိုအပ်သည့်ပစ္စည်းများ လာရောက်ပို့ဆောင်ပေးနိုင်မည့်သူမရှိပါက askHR@yoma.com.mm ထံအကြောင်းကြားရန်။
၁၄။ တကိုယ်တည်း သီးသန့်နေထိုင်မှုမစတင်မီ မိမိထိတွေ့ခဲ့သည့် အသုံးအဆောင်ပစ္စည်းများ၏ မျက်နှာပြင်ကို သန့်ရှင်းရေးလုပ်ရန်။ (ကားစီရာတိုင်၊ ကားခါးပတ်၊ တံခါးလက်ကိုင် အစရှိသည်များ)

သီးခြား ကျန်းမာရေးအာမခံ အစီအစဉ်အောက်တွင်ရှိသည့် ဝန်ထမ်းများမှအပ ကျန်ရှိသော ဝန်ထမ်းအားလုံးအတွက် Covid-19 ဆေးကုသမှုဆိုင်ရာအတွက် ထပ်ဆောင်းအကျိုးခံစားခွင့်များကို လုပ်ငန်းစုမှ စီစဉ်ထားရှိပါသည်။

Covid အတွက် အထူးခံစားခွင့်

Covid-19 ကပ်ရောဂါဖြစ်ပွားနေချိန်တွင် ဝန်ထမ်းများအနေဖြင့် အောက်ပါ ထပ်ဆောင်းအကျိုးခံစားခွင့်များကို ရရှိမှာဖြစ်ပါသည်။

(၁) Covid-19 နှင့် ပတ်သက်၍ ပြင်ပလူနာအဖြစ် ဆေးကုသမှုကုန်ကျစရိတ်အတွက် အများဆုံး ကျပ်ငွေ ၄၀၀,၀၀၀ အထိကို ၁၀၀% အပြည့်ပြန်လည် တောင်းခံနိုင်ပါသည်။
(၂) အတွင်းလူနာအဖြစ် ဆေးကုသမှု ကုန်ကျစရိတ်အတွက် အောက်ပါအတိုင်း ပြန်လည်တောင်းခံနိုင်ပါသည်။

  • ကျပ်ငွေ ၂,၀၀၀,၀၀၀ အထိကို ၁၀၀% အပြည့်
  • နောက်ထပ် ကုန်ကျစရိတ် ကျပ်ငွေ ၄,၀၀၀,၀၀၀ ကို ၅၀%

ဥပမာ - ဝန်ထမ်းသည် Covid-19 ကြောင့် အတွင်းလူနာအဖြစ် ကျပ်ငွေ ၆,၀၀၀,၀၀၀ ကုန်ကျပါက ပထမ ကုန်ကျငွေ ကျပ်ငွေ ၂,၀၀၀,၀၀၀ အတွက် အပြည့်ပြန်လည်တောင်းခံနိုင်ပြီး နောက်ထပ်ကုန်ကျငွေ ကျပ်ငွေ ၄,၀၀၀,၀၀၀ အတွက်၅၀% ပြန်လည်တောင်းခံနိုင်ပါသဖြင့် စုစုပေါင်း ကျပ်ငွေ ၄,၀၀၀,၀၀၀ ရရှိမှာဖြစ်ပါသည်။

ပြည်ပခရီး

ပြည်ပခရီးစဉ်အားလုံးအတွက် CEO/ CHRO ထံမှ ခွင့်ပြုချက် ကြိုတင်ရယူရပါမည်။

ကိုယ်ရေးကိုယ်တာကြောင့်ပင်ဖြစ်စေ၊ အလုပ်ကြောင့်ပင်ဖြစ်စေ ခရီးထွက်ရမည်ဆိုပါက declare-travel@yoma.com.mm ထံ အကြောင်းကြား၍ ခရီးသွားလျှောက်လွှာ ကို ဖြည့်စွက်ရပါမည်။

ပြည်ပခရီးမူဝါဒအကြောင်း အသေးစိတ်သိရှိလိုပါက ပြည်ပခရီးသွားမူဝါဒ ထံဝင်ရောက်ကြည့်ရှုနိုင်ပါသည်။

ပြည်တွင်းခရီးသွားခြင်း

ကိုယ်ရေးကိုယ်တာကြောင့်ပင်ဖြစ်စေ၊ အလုပ်ကြောင့်ပင်ဖြစ်စေ မြန်မာနိုင်ငံအတွင်း ခရီးထွက်ရမည်ဆိုပါက declare-travel@yoma.com.mm ထံ အကြောင်းကြား၍ ခရီးသွားလျှောက်လွှာကို ဖြည့်စွက်ရပါမည်။

အစိုးရဆက်ဆံရေးရာဌာနမှလည်း ကူညီမှုများပေးနိုင်ပါသည်။

askHR@yoma.com.mm ထံဆက်သွယ်ပါက အစိုးရဆက်ဆံရေးရာဌာနနှင့် ချိတ်ဆက်၍ ဝန်ထမ်းနှင့် မိသားစုဝင်များ ဗီဇာသက်တမ်းတိုးပေးမှုအတွက် စီစဉ်ဆောင်ရွက်ပေးမှာဖြစ်ပါသည်။

အရေးပေါ်အနီရောင်အဆင့်သတ်မှတ်ထားသည့်အချိန်တွင် ရုံးတက်ရောက်ရန်အဆင်မပြေသည့် ၀န်ထမ်း များအချို့ကို Management Team မှ ကိုယ်ပိုင်ခွင့်ခံစားများမှ ရှောင်တခင်ခွင့်နှင့် နှစ်ပတ်လည်ခွင့်အသုံးပြုရန် လိုအပ်ကြောင်း အကြောင်းကြားပါလိမ့််မည်။ ခွင့်တင်လိုပါက Yoma Connect Application မှတစ်ဆင့် ၀င်ရောက်ခွင့်တင်ရမည်ဖြစ်ပါသည်။

ခွင့်သည် လုပ်ငန်းတာ၀န်နှင့်ကိုယ်ပိုင်ဘ၀ဟန်ချက်ညီညီ အလုပ်လုပ်နိုင်ရန်အတွက် ၀န်ထမ်းတစ်ဦးချင်းစီ တိုင်း၏ခံစားခွင့်ဖြစ်ပါသည်။ ထို့အတွက် သင့်အနေဖြင့် ခွင့်တင်ရန်လိုအပ်ပါက Yoma Connect Application မှတစ်ဆင့် ၀င်ရောက်ခွင့်တင်နိုင်ပါသည်။

မိမိသည် ပိုးတွေ့လူနာနှင့်တိုက်ရိုက်ထိတွေ့မိခြင်း၊ မိမိနှင့်ဆက်စပ်သည့်သူတစ်ဦးမှ တိုက်ရိုက်ထိတွေ့မှုရှိခြင်း အစရှိသည့်အကြောင်းအရာများမှလွဲပြီး Self – Isolation လုပ်ရန်မလိုအပ်ပါ။

သို့သော် သင်မည်သို့လုပ်ဆောင်သည်ကိုသေချာမသိပါက askHR@yoma.com.mm သို့အချိန်မရွေး အီးမေးလ် ပေးပို့နိုင်ပြီး သက်ဆိုင်ရာ Contact tracing လုပ်ပေးမည့် case officer မှတစ်ဆင့် ဆက်သွယ်ကာ သင်၏ အန္တရာယ်ရှိမှုအဆင့်အားဆုံးဖြတ်ပေးပါလိမ့်မည်။

အလုပ်ကိစ္စအတွက် ပြည်ပခရီးသွားလိုသူများသည် ခရီးစဉ်အချက်အလက်အပြည့်အစုံကို ရိုးမအုပ်စု၏ CEO ဖြစ်သူ Melvyn Pun ၊ Head HR ဖြစ်သူ Martin Appel နှင့် PHSH ၏ CEO ဖြစ်သူ Dr Gershu Paul တို့ထံပေးပို့၍ ခွင့်ပြုချက်တောင်းခံရပါမည်။ ခရီးထွက်ရန် ခွင့်ပြုချက်တောင်းရာတွင် ခရီးထွက်ရမည့် အကြောင်းအရာနှင့် အဘယ်ကြောင့် ဗီဒီယိုဖြင့် တွေ့ဆုံဆွေးနွေးရန် မဖြစ်နိုင်သည့် အကြောင်းပြချက်တို့ကိုပါ ဖော်ပြရပါမည်။ ကိုယ်သွားရောက်မည့် နေရာဒေသနှင့် မြန်မာနိုင်ငံ (သို့) နိုင်ငံခြားသား ဝန်ထမ်းများအနေဖြင့် မိမိမွေးရပ်နိုင်ငံတွင် လုပ်ဆောင်ရမည့် ဆေးစစ်မှုများနှင့် သီးသန့်ခွဲနေမှု အစီအစဉ် အသေးစိတ်နှင့် ကုန်ကျစရိတ်များကိုပါ ဖော်ပြထားရပါမည်။ ခရီးထွက်ရန် ခွင့်ပြုချက်ရပါက ကုန်ကျစရိတ်များကို Yoma Group မှ ကျခံပေးမည်ဖြစ်ပြီး ခရီးထွက်နေသည့်ကာလအတွက်လည်း ဝန်ထမ်း၏ ကိုယ်ပိုင်ခွင့်ရက်မှ နှုတ်ယူမည်မဟုတ်ပါ။

ပြည်ပတွင် မိသားစုဝင်များရှိနေသည့် ဝန်ထမ်းများအနေဖြင့် COVID 19 ကြောင့် မိသားစုဝင်များကို အချိန်တစ်ခုကြာ မတွေ့နိုင်ခဲ့သည်ကို Yoma Group မှ ကိုယ်ချင်းစာနားလည်ပါသည်။ ပြည်ပခရီးသွားလိုသူများသည် ခရီးစဉ်အချက်အလက်အပြည့်အစုံကို ရိုးမအုပ်စု၏ CEO ဖြစ်သူ Melvyn Pun ၊ Head HR ဖြစ်သူ Martin Appel နှင့် PHSH ၏ CEO ဖြစ်သူ Dr Gershu Paul တို့ထံပေးပို့၍ ခွင့်ပြုချက်တောင်းခံရပါမည်။ ခရီးထွက်ရန် ခွင့်ပြုချက်တောင်းရာတွင် ခရီးထွက်ရမည့် အကြောင်းအရာ၊ ကိုယ်သွားရောက်မည့် နေရာဒေသနှင့် ခရီးမှ ပြန်ရောက်လာလျှင် မြန်မာနိုင်ငံတွင် လုပ်ဆောင်ရမည့် ဆေးစစ်မှုများနှင့် သီးသန့်ခွဲနေမှု အစီအစဉ် အသေးစိတ်နှင့် ကုန်ကျစရိတ်များကိုပါ ဖော်ပြထားရပါမည်။

ခရီးထွက်ရန် ခွင့်ပြုချက်ရပါက ဆေးစစ်မှုများနှင့် မိမိသွားရောက်မည့် နိုင်ငံနှင့် မြန်မာနိုင်ငံသို့ ပြန်ရောက်လာလျှင် လုပ်ဆောင်ရမည့် သီးသန့်ခွဲနေမှုများအတွက် ဝန်ထမ်းမှ မိမိကိုယ်ကို စရိတ်ကျခံရမှာဖြစ်ပါသည်။

အကယ်၍ ဝန်ထမ်းသည် ခရီးထွက်နေချိန်နှင့် သီးသန့်ခွဲနေချိန်အတွင်း အလုပ်ကို ထိရောက်စွာ လုပ်ဆောင်နိုင်စွမ်းမရှိပါက ဝန်ထမ်း၏ လက်ကျန်ခွင့်ရက်အပေါ် မူတည်၍ လစာပေး (သို့) လစာမဲ့ခွင့်အဖြစ် သတ်မှတ်သွားမှာဖြစ်ပါသည်။

မိသားစုနှင့် သွားရောက်တွေ့ရန် ခရီးထွက်သကဲ့သို့ပင် အမှန်တကယ် လိုအပ်သည့် ဆေးကုသမှုဆိုင်ရာ အကြောင်းတစ်ခုခုကြောင့် ပြည်ပခရီးထွက်ရခြင်းကို ကျွန်ုပ်တို့မှ နားလည်ကိုယ်ချင်းစာပါသည်။ ဆေးကုသမှုအတွက် ပြည်ပခရီးသွားလိုသူများသည် ခရီးစဉ်အချက်အလက်အပြည့်အစုံကို ရိုးမအုပ်စု၏ CEO ဖြစ်သူ Melvyn Pun ၊ Head HR ဖြစ်သူ Martin Appel နှင့် PHSH ၏ CEO ဖြစ်သူ Dr Gershu Paul တို့ထံပေးပို့၍ ခွင့်ပြုချက်တောင်းခံရပါမည်။ ခရီးထွက်ရန် ခွင့်ပြုချက်တောင်းရာတွင် ခရီးထွက်ရမည့် အကြောင်းအရာ၊ ကိုယ်သွားရောက်မည့် နေရာဒေသနှင့် ခရီးမှ ပြန်ရောက်လာလျှင် မြန်မာနိုင်ငံတွင် လုပ်ဆောင်ရမည့် ဆေးစစ်မှုများနှင့် သီးသန့်ခွဲနေမှု အစီအစဉ် အသေးစိတ်နှင့် ကုန်ကျစရိတ်များကိုပါ ဖော်ပြထားရပါမည်။

ခရီးထွက်ရန် ခွင့်ပြုချက်ရပါက ဆေးစစ်မှုများနှင့် မိမိသွားရောက်မည့် နိုင်ငံနှင့် မြန်မာနိုင်ငံသို့ ပြန်ရောက်လာလျှင် လုပ်ဆောင်ရမည့် သီးသန့်ခွဲနေမှုများအတွက် Yoma Group မှ ကုန်ကျစရိတ်ခံပေးမည်မဟုတ်ပါ။

အကယ်၍ ဝန်ထမ်းသည် ခရီးထွက်နေချိန်နှင့် သီးသန့်ခွဲနေချိန်အတွင်း အလုပ်ကို ထိရောက်စွာ လုပ်ဆောင်နိုင်စွမ်းမရှိပါက ဝန်ထမ်း၏ လက်ကျန်ခွင့်ရက်အပေါ် မူတည်၍ လစာပေး (သို့) လစာမဲ့ခွင့်အဖြစ် သတ်မှတ်သွားမှာဖြစ်ပါသည်။ အကယ်၍ ဝန်ထမ်းသည် ဆေးကုသမှုဆိုင်ရာ အကြောင်းတစ်ခုခုကြောင့် အလုပ်ပြန်မတက်နိုင်ပါက ဆေးခွင့်အဖြစ် သတ်မှတ်သွားမှာဖြစ်ပါသည်။

ခရီးထွက်ရန် ခွင့်ပြုချက်မရပါက အဆိုပါပြည်ပခရီးစဉ်ကို အခြားအကြောင်းပြချက်ကြောင့် ခရီးထွက်ခြင်းဖြစ်သည်ဟု သတ်မှတ်ပါမည်။

အခြားအကြောင်းအရာကြောင့် ပြည်ပခရီးထွက်ရာတွင် အားလပ်ရက် အပန်းဖြေရန်နှင့် အပျော်ခရီးထွက်ခြင်းတို့ ပါဝင်ပါသည်။ ထိုကဲ့သို့သော ခရီးစဉ်များအတွက်လည်း ခရီစဉ်အချက်အလက် အပြည့်အစုံဖြင့် စာရင်းပေး လျှောက်ထားရန် လိုအပ်ပါသည်။ ခရီးစဉ်အတွက် လိုအပ်မည့် ဆေးစစ်မှုများ၊ သီးသန့်ခွဲခြားနေခြင်းများအတွက် ကုန်ကျစရိတ်များအပြင် အခြားရှိလာနိုင်သည့် ထပ်ဆောင်းကုန်ကျစရိတ်များကိုပါ ဝန်ထမ်းမှ ကျခံရမှာဖြစ်ပါသည်။

ခရီးထွက်ရန် ခွင့်ပြုချက်ရပါက ဆေးစစ်မှုများနှင့် မိမိသွားရောက်မည့် နိုင်ငံနှင့် မြန်မာနိုင်ငံသို့ ပြန်ရောက်လာလျှင် လုပ်ဆောင်ရမည့် သီးသန့်ခွဲနေမှုများအတွက် ဝန်ထမ်းမှ မိမိကိုယ်ကို စရိတ်ကျခံရမှာဖြစ်ပါသည်။

အကယ်၍ ဝန်ထမ်းသည် ခရီးထွက်နေချိန်နှင့် သီးသန့်ခွဲနေချိန်အတွင်း အလုပ်ကို ထိရောက်စွာ လုပ်ဆောင်နိုင်စွမ်းမရှိပါက ဝန်ထမ်း၏ လက်ကျန်ခွင့်ရက်အပေါ် မူတည်၍ လစာပေး (သို့) လစာမဲ့ခွင့်အဖြစ် သတ်မှတ်သွားမှာဖြစ်ပါသည်။

အလုပ်ကိစ္စအတွက် ပြည်ပခရီးသွားခြင်း မိသားစုနှင့်တွေ့ဆုံရန်အတွက် ပြည်ပခရီးသွားခြင်း ဆေးကုသရန်အတွင် ပြည်ပခရီးထွက်ခြင်း အခြားအကြောင်းအရာများကြောင့် ပြည်ပခရီးထွက်ခြင်း
လုပ်ငန်းစဉ် ခရီးစဉ်ခွင့်ပြုချက် လျှောက်ထားရန် (Travel Declaration Form)
သီးသန့်ခွဲနေခြင်းအတွက် ကုန်ကျစရိတ် /ခရီးသွားရန်အတွက်ဆေးစစ်ခြင်း Yoma Group မှ အကုန်ကျခံ ဝန်ထမ်းမှ အကုန်ကျခံ ဝန်ထမ်းမှ အကုန်ကျခံ ဝန်ထမ်းမှ အကုန်ကျခံ
ပြည်တွင်းရှိ သီးသန့်ခွဲနေခြင်းနေရာများတွင် နေထိုင်ခြင်း Yoma Group မှ အကုန်ကျခံ ဝန်ထမ်းမှ အကုန်ကျခံ ဝန်ထမ်းမှ အကုန်ကျခံ ဝန်ထမ်းမှ အကုန်ကျခံ
သီးသန့်ခွဲနေခြင်းအတွက် ကုန်ကျစရိတ် /ခရီးသွားရန်အတွက်ဆေးစစ်ခြင်း အကုန်ကျခံရန်လို ဝန်ထမ်းမှ အကုန်ကျခံ ဝန်ထမ်းမှ အကုန်ကျခံ ဝန်ထမ်းမှ အကုန်ကျခံ
Covid-19 စစ်ဆေးမှုအတွက် ကုန်ကျစရိတ် အကုန်ကျခံရန်လို အကုန်ကျခံရန်လို အကုန်ကျခံရန်လို အကုန်ကျခံရန်လို
ခွင့်လက်ကျန်ခံစားခွင့် ကိုယ်ပိုင်ခွင့်ရက်သုံးရန်မလို ထိရောက်စွာ အလုပ်မလုပ်နိုင်ပါက လစာပေး (သို့) လစာမဲ့ခွင့် ထိရောက်စွာ အလုပ်မလုပ်နိုင်ပါက လစာပေး (သို့) လစာမဲ့ခွင့် ထိရောက်စွာ အလုပ်မလုပ်နိုင်ပါက လစာပေး (သို့) လစာမဲ့ခွင့်

(၂၀၂၀ ခုနှစ်၊ ဧပြီလ ၂၀ ရက်နေ့မှ နောက်ထုတ်ပြန်ချက်မတိုင်မီအထိ)

Covid-19 ကပ်ရောဂါ ကာလအတွင်း ဝန်ထမ်းများအတွက် အောက်ဖော်ပြပါ အပိုဆောင်းထောက်ပံ့ကြေးများကိုပေးအပ်ပေးသွားမည်။

၁) Covid-19 ကြောင့် ပြင်ပလူနာအဖြစ် ဆေးကုသမှုခံရပါက ဝန်ထမ်းတစ်ဦးလျှင် အများဆုံး ကုန်ကျစရိတ် ကျပ်ငွေ ၄၀၀,၀၀၀ အထိကို ၁၀၀% အပြည့်ပြန်လည်ထုတ်ပေးသွားမည်ဖြစ်ပါသည်။

၂) အတွင်းလူနာအဖြစ် ဆေးကုသမှုခံရပါက အောက်ပါအတိုင်း ပြန်လည်ထုတ်ပေးသွားမည်ဖြစ်ပါသည်။
က။ အတွင်းလူနာအဖြစ် ဆေးကုသမှုအတွက် ကျပ်ငွေ ၂,၀၀၀,၀၀၀ အထိကို ၁၀၀% အပြည့်ပြန်ပေးခြင်း။
ခ။ နောက်ထပ် ဆေးကုသမှုကုန်ကျစရိတ် ကျပ်ငွေ ၄,၀၀၀,၀၀၀ အတွက် ၅၀% ကို ပြန်ပေးခြင်း။

ဥပမာ - ဝန်ထမ်းတစ်ယောက်သည် Covid-19 ကြောင့် အတွင်းလူနာအဖြစ် ဆေးကုသရာ စုစုပေါင်း ကျပ်ငွေ ၆,၀၀၀,၀၀၀ ကုန်ကျသည်ဆိုပါစို့။ ပထမကုန်ကျစရိတ် ကျပ်သိန်း ၂,၀၀၀,၀၀၀ အတွက် အပြည့်ပြန်ပေးပြီး ကျန်သည့် ကုန်ကျစရိတ် ကျပ်ငွေ ၄,၀၀၀,၀၀၀ အတွက် ၅၀% ပြန်ပေးသည့်အတွက် စုစုပေါင်း ထောက်ပံ့ကြေးငွေ ကျပ်ငွေ ၄,၀၀၀,၀၀၀ ရရှိမည်ဖြစ်ပါသည်။